منتديات الحديبه عبدالاه‎‎
لتحميل مقاطع الفيديو والمحاضرات والاغاني والالعاب والبرامج اضغط هنا
منتديات الحديبه عبدالاه‎‎

اهــــلا وسهـــلآ‎ بكـــم فــي منتــــديات الحــديبــه عــبدالاه ملــتقي تـواصــل ابنــاء المنطــقه بالداخـل والخـــارج‎


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

 »  »  » 

الشاعرة سعادة عبدالرحمن

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

1 الشاعرة سعادة عبدالرحمن في الأربعاء أغسطس 17, 2011 12:40 am

الشاعرة سعادة عبدالرحمن



سعادة عبدالرحمن > بين امرين

وقنعتا من تالاك خلاص فوضتا لله الأمر
خليتني بين أمرين وكان احلي الخيارات لى مُر
أنا إما أصبر ولا أصبر عاد أخير لى الصبر
شاريك كتير أنا ما شويه أصلو للريد ثمن
أحلامي والعمر النضير أيام عدن وروحن
مهما يلازمنى في هواك قدر أو تصاريف للزمن
أصبر واقول بكره بتهون أنا قلبي فى الريد امتحن
أشكيك لمين وانتى لى كل الشكيه وكل زول
البينا ما بيحمل عتاب أو حتى يدخل بينا زول
شمتا فيني الناس وبي جرحك يتجدد فصول
مع كل خفقة شوق بئن تاكل حشاي نارك تصول
كان غلطة الزمن الجمع بيناتنا والريد استحال
كان غلطتي الأكبر بنيت أحلامي في كوم من رمال
عشمان ولسه بنتظر يوم بكره زي ما القبلي قال


سعادة عبدالرحمن > الجرح المنوسر


اتنين كان ختنك في المحن ما تبالي
رفقة دون وأطماع النفس في المال
ترديك في الهوان وان كان مقامك عالي
والاتنين خصم من صالح الأعمال
واتنين لا تصغر نفسك اتحاشاها
سيرة الناس وان كان الخشوم لايكاها
الموقدلو نار يوم بكره بتوطاها
والجابلك خبار الناس اكيد وداها
والجرح المنوسر ما بتطيبو الكيه
وما برد حشا المحروقه قولة أحيا
الا القول بطيب خاطر المأذيه
باعك واشتراك زولا غفرلك سيه
والتجي من بعيد قسمتنا نتلقاها
حاره الشينه من الليك كان سواها
لا بتقدر تصل حداً تلزمو ياها
لا بداوي الزمن جرحك ولا بتنساها
والما ساترو الله كضبت ما بتسترو
الزول ان ختيت فيه المروه اخترو
الضفر ان نقح صح البدن في بترو
دربك أعوج إن قبلك كبارك عتروا
واحذر وش منافق بي بشاشه يقلدك
وحين تديو قفاك بي سوط لسانو يجلدك
ما تأمن عدوك ما حك ضفرك جلدك
نسبك للوراك صحيح أبوك الولدك
والليك إن عدوك بتختو في ود عينك
والناس ما تياب كيفنها اصابعينك
مهما انت بازل ما بتسدد دينك
ترجع لي مراحا العرجا والله يعينك
وزول ملكتو امرك كان غلط ما تلومو
وما تعشم صغير بيك يكبر كومو
الزول الصميم بي حكمه داوي همومو
ما تستنا لي قسم اليقوم من نومو



سعادة عبدالرحمن > احبك حقاً بشكلٍ جديد

أحبك حقا بشكل جديد..
رهنت لديه قصائد عشقى
وأمهيت عند الصبابه صدقي
وفيه اختزلت تجارب عمري..
ولكن أمريـا..
مازال رهني
وقلبي عليه يد من حديد
أحبك حقا بشكل جديد
ألا لا يغرك أني مهيض الجناح..
ولاترنو طرفا
على الرغم من نازفات الجراح..
أنا مانذرت الليالي صباحي
ولازلت أهفو لعمر سعيد
أحبك حقا بشكل جديد
أحبك يادنيات القطوف
اعصر خمري
أملا دنى
أدلق ملء الكؤوس بجوفي
فيذهب بردي ويذهب
خـــوفي
أميل طروبا وهل من مزيد....؟!
أحبك حقا بشكل جديد
ألا لاتصاب أنا الان ملئ حنينا
وملئ أنثىلها عنفوان الشباب
وماض على القلب يجثو ثقيلا وئيد..
احبك حقا بشكل جديد
تجاوزت فيه لدى البوح
فعل النساء..
يذهبن لون العيون ويأتين لونا
بلون الدهاء..
بلون الرياء..
بلون الغباء..
وها أنا أعلن اني أحبك
أملك ذاتي
بكل حيائي وبل كبريائي
وترفض حبي..؟
وأني أحبك !
أف لقلبك ذاك العنيد..
أحبك حقا بشكل جديد
أحبك حقا بشكل جديد
تعال ولاتمض عمرك بل وعساها..
فعندي من الحب مالايضاهى..
وعندي من الحسن مالايباهى..
وعندي حلي أبي أشتراها..
وقصة حب وليس سواها..
واحفظ سفر النصارى وطه
وأعلم
أعلم أن هواك الوعيد..
أحبك حقا بشكل جديد
أحبك كلي بماضي قل لي:
فهل تشتريني..؟
وماذا تريد..؟
أحبــــــــــــــــك
أحبــــــك حقا بشكل جديد


سعادة عبدالرحمن > كان مفروض نتلاقى زمان

كان مفروض نتلاقى زمان
قبل سنين الحب العذري
شكل إحساسك مني مغاير
قصة زول بالريد الفطري
وأنا لاقيتك زمن الريدة
زمن الناس لا تبيع لا تشري
فيك ملامح الزول الكادح
ومن هم باكر نومو مفارق
النحل إتوسد أحلامو
وجرح الأرض إتمد مطارد
يا حلم الأمات العقرن
وشوق زولاً لي أهلو مفارق
لو عارفاك لي زمناً لسع
كنت بسابق عمري مشارق
فيك ملامح الزول الكادح
وعرقو يمازج الأرض البكرى
أصلو الخوف ما شاب أيامه
وما شايل هم لي يوم بكرة
وشايل كل أحلامو في كفو
ورامي على الله القوت والسترة
وأنا شريتك فيني مداين
وإستنيتك عمق وفكرة
شوق الغيم يتقالد ويجري
وريحة الأرض إن جالت مطرة
يسبق حسي دعاشك ويرعد
نبضك في جواي بالفطرة

معاينة صفحة البيانات الشخصي للعضو

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى